寫BLOG目的:單純想舒發一下自己平日壓抑情感,減輕壓力。自言自語...
家庭.朋友.工作方面話題較多,常出現較認真和負面的話題,感到不快請密密轉身離開。
歡迎互相分享故事和意見,但希望互相專重,注意用詞,以免引起爭論。
已成年/新社會人/有穩定工作/不定期發文/興趣:日本動漫~~懂日語/
今日有親友尼姨媽家拜年,
大家由中午時分就開始慣例既麻雀Time~大家還是這麼激動....(汗)
大表姐既兒子,自小受手機game既訓練,對打麻雀有很大興趣,吵著要參與。
大人當然不會受他玩...但這熊孩子還是很喜歡從旁觀戰。


每一次他媽媽輸左(冇糊食),見到媽媽比籌碼對家時,這熊孩子就在大哭....
不希望媽媽輸錢。
就在大人們激烈地討論剛才一局既戰況時,突然出現孩子的哭聲,令大人們既熱氣都冷卻起來。
說著:「唔洗咁誇張吧...」最後孩子被趕走,然後很快沉迷在手機game內了。

從旁觀察這一切的我(不懂打牌的W),覺得幾有趣~

有就個現象的小孩,我真係第一次見www
    對於一個自小冇同爸爸住過既女兒尼講,彼此相處時間實在有限。
爸爸既生活習慣同喜好都只係略知一二, 只好逐少逐少去發掘...
每逢佳節我都有送禮物給他,當然爸爸也有送給我。
關係看似和諧,我亦沒想到今日會落得如此困境。
 
  一年前, 我向他提起可否搬回去一齊住。因姨媽家的兒子快要結婚,
現時家中將會空間不夠。當時爸爸二話不說就答應了,我亦安心下來,覺得有點感動。
若爸爸不答應,我根本冇地方可以住...
我剛出社會工作,以我現時既的收入是不可能付擔到現今高昂既租金。


  爸爸家有兩房,現時有兩人住。他和當年的外遇的對象(後稱阿姨),其中一房一直被當作雜物房沒有人使用。
一開始大家都計劃係處理一下那雜物房,之後我就能搬回去。
期限為1年多D, 起初還一起設計房間裝修...沒什麼大問題。


  隨著時間既過去,每一次我到爸爸家都冇發現有任何變動...
已經一年了,什麼也沒有整理...最後他給了我一個答覆。
「我覺得依一個係時間解決唔到既問題」他平靜地這樣說。
我怕我自己聽錯理解錯,追問:「你意思係咪指,我比幾多時間你,你都覺得冇可能清理到間房?」
我爸爸答「係...」


  我兩之後一直冇再對話...而我亦陷入一片混亂。
點解唔係叫我比多時間佢,而係話冇可能決解?
是否唔係佢意願,而係另一位阿姨的原因?
如果清理一個房間真係咁困難,點解到左而加先提出? 已然過左一年...
自從你答應了後,我已和姨媽商量,一年多後應該可以搬。
姨媽亦可重新裝修她屋企,他兒子都可以有下一步計劃。所有事都在轉動中。
受影響的不單是我和他...唔係掉低一句就算,可以無了期去拖..


  這件事的發生,引起了我一直以來同爸爸之間既問題.而我又一直冇去正視。
我不禁打了一篇文章(信)給他,細說著我的心聲...
在打文章既期間我一直聽著既首歌,覺得同我嗰一排既心情好有共鳴。
希望憑住我既告白,可以看到他的想法,令佢有所改變。
再不是一句冇可能決解,就轉身離去...


  言而結果卻令我很失望, 信中的內容以及事實好像令到佢好嬲。
他的回覆冇正面回應我既話語,沒有一句看得出佢對我既認同。
不知是否要保護身為爸爸和年長者既尊嚴,反而從旁開始,數著我的不是。
他強烈主張,假若不愛我就不會供書教學,我年滿18後仍然給姨媽生活費照顧我。
(當年和我媽離婚時,法庭有判決要比生活費我媽。媽咪離世後由姨媽照顧我,所以改給了姨媽)
為我供書教學是的而且確既事實,但沒想到他說到這個份上....
那他最後關頭反口...令我頓時處於進退兩難既局面,冇地方住...我是否不應該覺得生氣和傷心??
是否沒這個權利? 是否因他為我供書教學,付出了很多(這個我清楚明白),所以我不能再依賴他?
要如何去體諒他?  一般家庭既相處方式,好像不能套用我們身上...
仍想不通....


續...
新年快樂~恭喜發財~

今日是年初一,同以往有點不同。
自從上年婆婆同嫲嫲過左身之後,親戚的關係同開始起了變化。
一邊向好方向,另一邊則住壞方向...去拜年既地方都越來越少。


當中的變化都包括左我和爸爸既關係,自小父母已因為爸爸有外遇而離婚,一直跟著媽媽生活。
本來同爸爸關係唔太好。中學時期,媽媽過身後,我一直同姨媽一家住。一住就住了10年有多...
姨媽就好似我另一個媽媽咁,我心入面一直都好感激佢。


這些年當然有同爸爸個個月見1-2次面,爸爸也有比錢姨媽照顧我。直至我開始工作先一齊分擔。
我同爸爸一直以尼相處都遇到極大困難,而雙方都沒好正視...(正確來說我爸爸從來唔會覺得自己有錯有問題)
早幾個月就因為住屋問題,爆發左一大堆連鎖的問題。父女關係幾乎可以說已經斷絕...


~續~



About |  Terms |  Privacy |  Contact |  Help
Page loading time: 0.004 second(s)